Tema 4 - Resumo

 

A saúde é o estado de completo benestar físico, mental e social, e non só a ausencia de enfermidades. Polo que unha enfermidade dase cando algún de estes factores falla.

A saúde dividese en 2 factores:

• Os factores endoxenos que son aqueles que se producen nos nosos xenes.
• Os factores esoxenos son aqueles que se producen no exterior. (medio, dieta, clima, hábitos de vida, sistema sanitario...) 

A esperanza d vida dunha persoa é estadisticamente a cantidade de anos que viva unha persoa nunha zona determinada. 

Para poder aumentar a esperanza de vida de alguen tense que aumentar a prevención, que son os mecanismos para evitar a aparición de enfermidades. Esto podese conseguir de diferentes maneiras:

- Medidas hixiénicas: A hixiene é o conxunto de coñecementos e técnicas que aplican as persoas para o control de factores que poden exercer efectos nocivos sobre a saúde. Establecese a nivel individual e a nivel público.

- Tratamento dos alimentos: tendo en conta que o aparello dixestivo é unha posible vía de entrada de patóxenos e tóxicos, ademais da auga, é conveniente garantir a salubridade dos alimentos.

- Tratamento dos residuos: as augas residuais procedentes do uso industrial ou doméstico da auga corrente han de ser debidamente conducidas ás E.D.A.R. (estacións depuradoras de augas residuais), onde se someten a un proceso de depuración para retirar os compoñentes contaminantes antes de ser devoltas ao medio.

HÁBITOS SAUDABLES

Os hábitos saudables son o conxunto de conductas que teñen influencia positiva na saúde.

Podense clasificar en diferentes categorias:

• Nutrición:

- Dieta adecuada                                                     

- Hixiene

-Exercicio fisico

- Evitar exposición a infeccións

- Control periódico da saúde

• Saúde mental

- Dieta

- Exercicio mental e fisico

- Descanso suficiente

- Tomar precaucións

- Evitar drogas e alcol

- Coidar as relacións

• Aparello locomotor

- Peso adecuado

- Exercicio

- Previr traumatismos

- Dieta adecuada

- Evitar grandes pesos nas costas

- Bos habitos posturales

• Sexualidade

- Hixiene persoal

- Revisións co xinecólogo ou urólogo 

- Métodos anticonceptivos

SISTEMA INMUNOLOXICO

É inevitable o contacto do organismo con microorganismos patóxenos e sustancias estrañas existentes no aire, a auga, os alimentos e distintas superficies. Para iso, o noso corpo desenvolve unha serie de mecanismos que evitan a súa entrada e proliferación. Estes mecanismos agrúpanse en barreiras e defensas.

As barreiras impiden a entrada ao organismo de microorganismos patóxenos ou sustancias estrañas. E as defensas son as que actúan a través dos órganos, células e sustancias do sistema inmunolóxico para evitar a proliferación dos patóxenos, así como a súa eliminación, unha vez que conseguiron superar as barreiras internas ou externas a través de feridas.

DIAGNOSTICO

O diagnostico é o procedemento polo cal se identifica a enfermidade que afecta a un paciente.

A CIRURXIA

A cirurxia é a parte da medicina que pretende curar enfermidades mediante unha operación.

Estudos preoperatorios: conxunto de técnicas diagnósticas e tratamentos previos necesarios para minimizar os riscos que implica unha operación cirúrxica e a anestesia previa.

Anestesia: administración dun fármaco (anestésico) para eliminar a dor durante a intervención cirúrxica. Intervén un especialista médico que é o anestesista e pode ser: 

1. Local, se se elimina a sensación de dor nunha parte reducida do organismo.
2. Rexional, no caso de afectar a unha zona relativamente ampla do corpo. 
3. Total, cando afecta a todo o corpo e o paciente perde a consciencia.

Tratamento postoperatorio: serie de coidados que buscan a reanimación e a recuperación do paciente tras a operación. Pode requirir un ingreso hospitalario ou non como no caso da cirurxía ambulatoria. 

O SISTEMA SANITARIO

O sistema sanitario é a forma mediante a cal un país organiza e financia a protección da saúde a través da prevención e a prestación dos servizos médicos aos seus cidadáns. É un axente determinante na saúde pública, xunto co estilo de vida e os factores biolóxicos ou ambientais.

O sistema sanitario español caracterízase por dar cobertura universal, financiarse a través de impostos e garantir a igualdade de acceso a recursos e servizos.